Zapato Azule

Ondarruko Bolo-bolo aldizkariak Zapato Azule antolatzen du ekaina bukaeraldean. Beste ekitaldi ugariren artean, Euskal-Herriko Kamiseta Azoka ere antolatzen dute egun hortan.

Txokolartekoak zanpagailuarekin kamixetak egiteko hartu dugun ohitura hau dela eta bertara gonbidatu gaituzte gure teknika erakustera, eta bide batez Azokan parte hartzera. Azokako kamixeta postu guztien artean kamixetarik onena aukeratzen dute. Eta aurten... tatxaaan!! Txokolartekook irabazi dugu Euskal Herriko Kamisetarik Onenari saria. Mila esker danoi!

Bere kamixeta gure eskutan jartzen ausartzen zenari Kamixeta Horizontal bat itzultzen genion. Teknika honi Ondarrun izen berria jarri diote, espezifikoagoa, orain arte zorugrafia zena zementografia bataiatu digute.

Aldi hontan Esti, Leire, Andrea, Nagore, Julen Txokolarteru Ondarrutarra, Alex (txofer desertori) eta Axier izan ziren kamixetak egiten eta postua zaintzen. Ia datorrenean berriro biltzen garen!

Beste album bat ikusi